Notice on providing consular services in Faro, Portugal

यस राजदूतावासले देहायबमोजिमको स्थान, मिति र समयमा नेपाली राहदानी नविकरण र प्रहरी चारित्रिक प्रमाणपत्र तथा पारिवारिक कागजपत्र प्रमाणिकरणका लागि घुम्ति शिविर सञ्चालन गर्न लागेको हुँदा राहदानीको अवधि सक्किएका, राहदानि फाल्ता आएका वा राहदानीको अवधि ६ महिना भन्दा कम बाँकी भएका, पोर्चुगलको Algarve Region अन्तर्गतका क्षेत्रहरुमा बसोबास गर्ने नेपालीहरुका लागि शिविरमा उपस्थित भई लाभान्वित हुन सूचित गरिन्छ ।

घुम्ति शिविर सम्बन्धी विस्तृत व्यहोरा:

मिति: १ नोभेम्बर २०२५ (शनिवार, दिउसो १२ वजेदेखि वेलुका ६ वजेसम्म)

     २ नोभेम्बर २०२५ (आइतवार, विहान ९ वजे देखि वेलुका ४ वजेसम्म)

प्राविधिक कारणले शनिवार अनलाइन अपोइन्टमेन्ट खुला गर्न नमिलेको हुँदा आइतवारका लागि खुला गरिएको अपोइन्टमेन्टमध्ये विहान ९ वजेदेखि ११ वजेसम्म Slot बुक गर्नुभएका आवदेकहरु शनिवार दिउसो १२ वजेदेखि साँझ ५ वजे भित्र आइपुग्न हुन अनुरोध गरिन्छ । आइतवार दिउसो १२ वजे देखि दिउसो ४ वजेसम्म बुक गर्नेहरु आइतवार विहान ९ वजेदेखि नै सेवाका लागि घुम्ति शिविरमा आउनु हुन अनुरोध छ ।

स्थान: R. de Sao Pedro 31, 8000-256, Faro, Portugal

सम्पर्क नं.: +351965459362

आगामी दिनमा पोर्चुगलका अन्य स्थानहरुमा पनि घुम्ती शिविर सञ्चालन गर्ने कार्यतालिका रहेको हुँदा हालका लागि फारो क्षेत्रमा रहनुभएका नेपाली नागरिकहरु मात्र उक्त शिविरमा आइदिनु हुन अनुरोध गरिन्छ । यस अवधिका लागि खोलिएका राहदानीका अपोन्टमेन्टहरु घुम्ति सेवाका लागि मात्र प्रयोग हुने भएको हुँदा उक्त अपोन्टमेन्ट राजदूतावासबाट अन्य दिन सेवा प्रदान गर्न नसकिने व्यहोरा समेत अनुरोध गरिन्छ ।

विद्युतीय राहदानी नविकरणका लागि आवेदन गर्ने प्रक्रिया:

- राहदानी विभागको वेवसाईटमा उपलब्ध Passport Pre-Enrollement - NEPAL लिंकमा प्रवेश गरी  आवश्यकता अनुसार पहिलो पटक राहदानी लिन First issuance, राहदानी नविकरणका लागि Renewal, हराएको, चोरिएको वा बिग्री नष्ट भएको राहदानी वापत Replacement (Lost/Stolen) तथा विवरण बिग्री नयाँ राहदानीको आवेदन गर्नु परेमा Damaged छनौट गरी Ordinary 34 page मा Click गर्ने ।

- Appointment Country मा Others छनौट गरी Enrollment Centre मा NE Lisbon छनौट गर्ने र आफुलाई पाएक पर्ने मिति र समय छनौट गरी फाराम भरेर त्यसको १ प्रति फाराम प्रिन्ट गरी आवश्यक कागजातहरु सहित उपस्थित हुने ।

-त्यसरी प्रिन्ट गरेको (Barcode सहितको PDF फाराम) भेरिफिकेशनका लागि ३१ अक्टोबर २०२५ सम्म यस राजदूतावासको इमेल eonlisbon1@gmail.com मा पठाउनु पर्नेछ । अन्यथा घुम्ति शिविरबाट सेवा प्राप्त गर्न सकिने छैन्

आवश्यक कागजातहरु:

 प्रि-इनरोलमेन्ट गर्दा अपलोड गर्नुपर्ने तथा साथमा लिएर आउनु पर्ने कागजातहरू:-

नवीकरण गर्नका लागि:

· नेपाली नागरिकता प्रमाणपत्रको पहिलो र दोस्रो पेज छुट्टाछुट्टै ।

· १६ वर्षमुनिका बालबालिकाको हकमा नाबालक परिचयपत्र ।

· हालको राहदानीको वायो पेज (फोटो र व्यक्तिगत विवरणको पेज) र निकटतम व्यक्तिको विवरण भएको पेज (पेज नं ३० र ३१) छुट्टाछुट्टै ।

- विवाह तथा सम्बन्धबिच्छेदपश्चात थर परिवर्तन भएको हकमा विवाह दर्ता तथा सम्बन्धबिच्छेद दर्ता प्रमाणपत्रको प्रतिलिपि ।

पोर्चुगलमा जन्मेका बालबालिकाको पहिलो पटक राहदानी बनाउनका लागि:

- सम्बन्धित स्थानीय निकायबाट जारी भएको जन्मदर्ताको प्रमाणपत्र

- बाबु र आमाको नागरिकता र राहदानी

- बाबु र आमाको विवाह दर्ता प्रमाणपत्र ।

लाइभ इनरोलमेन्ट गर्न राजदूतावासमा आउँदा माथि उल्लिखित सम्पूर्ण सक्कल कागजातहरू साथमा लिएर आउनुपर्ने छ ।

 शुल्क:-

- नयाँ राहदानी वा राहदानी नवीकरण गर्न: युरो १२०/-

- हराएको, च्यातिएको वा नष्ट भएको राहदानीको सट्टामा नयाँ राहदानी आवेदन गर्न: युरो १८०/-

- विवरण सच्चाउनु पर्ने भई नयाँ राहदानी आवेदन गर्न: यूरो १२०/-

-१० वर्ष भन्दा मुनिका बालबालिकाको हकमा: ६० यूरो, हराएको राहदानीका हकमा: यूरो ९०/- ।

कागजात प्रमाणिकरणका लागि:

• प्रहरी चारित्रिक प्रमाणपत्र (Police Report) तथा अन्य पारिवारिक कागजातहरुमा नेपालको परराष्ट्र मन्त्रालय अन्तर्गतको कन्सुलर सेवा विभागबाट अनिवार्य रुपमा प्रमाणिकरण (Legalization) गरिएको हुनुपर्नेछ ।
• प्रमाणिकरण गर्नुपर्ने सम्पूर्ण कागजातहरुको सक्कल प्रतिमा मात्र प्रमाणिकरण गरिनेछ ।
• शुल्क: Police Report का लागि यूरो १००/-,

पारिवारिक कागजातहरुका लागि: प्रति कागजात यूरो ५०/-

शैक्षिक प्रमाणिकरणका लागि: प्रति कागजात यूरो १५/- 

नोट:

• राजदूतावासबाट प्रदान हुने सेवा सम्बन्धमा अन्य थप जानकारीका लागि यस राजदूतावासको वेवसाइट Embassy of Nepal, Portugal हेर्नुहुन समेत अनुरोध गरिन्छ ।
• राहदानी तयार भएपश्चात निवेदकलाई राजदूतावासको फेसबुक पेज एवं वेवसाइटबाट जानकारी गराइने छ ।  तयार भएको राहदानी लिन सम्बन्धित आवेदकले आफैले वा आफ्नो वारेशमार्फत (मञ्जरीनामा दिइ) सक्कल राहदानी, राजश्व तिरेको बिल लिई यस राजदूतावासमा कार्यालय खुलेको दिन २ वजेपछि सम्पर्क गर्नुपर्ने छ ।
• घुम्ती शिविरबाट प्रदान हुने सेवा सम्बन्धमा थप जानकारीका लागि यस राजदूतावासको इमेल eonlisbon@gmail.com वा फोन नं. २१३०११३०८ मा सम्पर्क गर्न सकिनेछ । 
• घुम्ती शिविरबाट सेवा लिनका लागि सम्बन्धित सेवाका लागि माथि उल्लिखित रावश्वको हिसाब गरी भुक्तानी गर्नुपर्ने जम्मा राजश्व रकम यस राजदूतावासको देहायबमोजिमको खातामा पहिल्यै भुक्तानी गरी सो को प्रमाण दूतावासको इमेल eonlisbon@gmail.com मा प्रेषित गरिदिनु हुन अनुरोध गरिन्छ ।

खातावालाको नाम: Embaixada Nepal,

खाता नं. PT50003300004578535819505

बैंकको नाम: Millennium BCP Bank

नेपाली राजदूतावास, लिस्बन

२९ अक्टोबर २०२५